சுவிஸ் மிக அமைதியான நாடுகளின் பட்டியல்: 7வது இடத்தில்உள்ளது?

உலகின் மிக அமைதியான நாடுகளின் பட்டியல் வெளியிடப்பட்டதில் முதல் 10 நாடுகளில் சுவிஸ் 7வது இடத்திற்கு தெரிவாகியுள்ளது.

இந்த ஆண்டிற்கான உலகின் மிக அமைதியான நாடுகளின் பட்டியலை பிரபல தனியார் அமைப்பு ஒன்று 

வெளியிட்டுள்ளது.

இதில் உலக அளவில் வெறும் 10 நாடுகள் மட்டுமே உள்நாட்டு போர் மற்றும் தொடர் கலவரங்கள் ஏதுமின்றி மிக அமைதியான நாடுகளாக உள்ளது என அந்த அமைப்பு தெரிவித்துள்ளது.

குறிப்பிட்ட நாடு உள்ளூரிலோ அல்லது அடுத்த நாடுகளுடனோ எவ்வித மோதல் போக்குடனும் ஈடுபட்டிருக்க கூடது என்பதை அடிப்படை விதியாகக் கொண்டு இந்த பட்டியல் தயாரிக்கப்பட்டுள்ளது.

எவ்வித பாகுபாடும் இன்றி சுவிஸ் நாடு நடுநிலையோடு அண்டை நாடுகளுடன் சிறப்பாக செயல்பட்டு வருவதால் இந்தப் பட்டியலில் எளிதாக இடம் பெற்றுள்ளது.

பட்டியலில் முதலிடத்தை ஐஸ்லாந்து நாடு கைப்பற்றியுள்ளது. அடுத்த இடத்தில் டென்மார்க் உள்ளது, தொடர்ந்து 3வது இடத்தில் ஆஸ்திரியாவும் நான்காவது இடத்தில் நியூசிலாந்தும் ஐந்தாவது இடத்தில் போர்ச்சுகல் நாடும் உள்ளது.

6வது இடத்தில் செக் குடியரசும் 7வது இடத்தில் சுவிஸ் வந்துள்ளது. 8வது இடத்தில் கனடாவும் 9வது இடத்தில் ஜப்பானும், 10வது இடத்தில் ஸ்லோவேனியா வந்துள்ளது.

இதில் 47வது இடத்தில் பிரித்தானியாவும், 103வது இடத்தில் அமெரிக்காவும், 120வது இடத்தில் சீனாவும், 151வது இடத்தில் ரஷ்யாவும் உள்ளது குறிப்பிடத்தக்கது.

இங்குஅழுத்தவும் நவற்கிரி.கொம் செய்திகள் >>>